UFC titulynyň häzirki eýesi Aleks Pereýra bilen diwizionyň öňki çempiony Jamal Hilliň arasynda ýarym agyr agramda geçiriljek söweş 13-nji aprelde Las-Wegasdaky UFC 300 ýubileý ýaryşynyň esasy wakasy bolar. Bu barada Anahaýmda geçirilen UFC 298 ýaryşyndan soň metbugat maslahatynda guramanyň başlygy Dana Uaýt habar berdi diýip, fighttime.ru belleýär.
32 ýaşly Jamal Hill geçen ýylyň başynda Glower Teýşeýruny emin agzalarynyň biragyzdan karary bilen ýeňip, ýarym agyr agramda UFC-niň erkin çempion guşagyna eýe boldy, ýöne eýýäm iýul aýynda basketbol oýnap ýörkä ökje damaryny ýyrtyp, tituly boşatmaga mejbur boldy.
Aleks Pereýra geçen ýylyň aprel aýynda Israel Adesanýadan ikinji raundda nokaut arkaly ýeňlip, orta agramda UFC-niň çempion guşagyny ýitirdi. Şondan soň 36 ýaşly braziliýaly söweşiji ýarym agyr agram derejesine çykyp, dalaşgärlik söweşinde Ýan Blahowiçi ýeňdi. Noýabr aýynda Irži Prohazkany ikinji raundda tehniki nokaut bilen ýeňip, erkin titula eýe boldy.
