«Formula-1» awtoulag ýaryşy boýunça dünýä çempionatynda täze täze ýaryş ulaglarynyň tanyşdyrylyşy tamamlanýar. «Mercedes» we «McLaren» toparlary hem 2024-nji möwsüm üçin niýetlenen ýaryş ulaglaryny tanyşdyrdylar.
Şeýlelikde, täze möwsümiň çempionatyna gatnaşjak on toparyň dokuzy täze ýaryş ulaglaryny, olaryň reňklerini we daşky keşplerini görkezdiler. Diňe «Red Bull» toparynyň gezegi galdy, ol täze ulagyny 17-nji fewralda tanyşdyrar.
Germaniýanyň «Mercedes» topary täze ýaryş ulagyny tanyşdyrdy. Täze awtoulag W15 indeksini aldy. Hünärmenleriň reňkde we görnüşde düýpgöter üýtgeşiklik görmändigini bellemek gerek: geçen ýyl nemes topary daşky görnüşi üçin däl-de, dürli ownuk kemçilikleri ýok etmek üçin köp güýç sarp etdi, şonuň üçin Hemilton we onuň egindeşi Jorj Rassel ähli maksatlaryny amala aşyryp bilmediler.
Beýik Britaniýanyň «McLaren» topary hem 2024-nji möwsüminiň ulagyny tanyşdyrdy. «MCL38» ulagy öňküsi bilen deňeşdirilende, hasam garamtyl boldy. Topar 2022-nji ýylda häzirki zaman dizaýnyna geçiş döwründe gaty gowy görünen, ýöne 2023-nji ýylda özüne çekmedik gök reňkden ýüz öwürdi. «McLaren» ulagynyň esasy täzeligi «gizlinlik tertibi» boldy, ýöne ol diňe ýaryşyň daşarky tarapy bilen gyzyklanýanlary özüne çekýär.
