«Samsung» kompaniýasy eplenýän smartfonyň täze görnüşini çykarmagy meýilleşdirýär. Bu barada lenta.ru «TechRadar» neşirine salgylanyp habar berýär.
Bellenilmegine görä, korporasiýa üç ýerden eplenýän ekrany bolan enjamy hödürlär. Enjam S şekilli korpusa eýe bolar we çeýe ekran dürli şekillerde ulanylyp bilner. Enjam 2024-nji ýylyň ikinji çärýeginiň başynda tanyşdyrylar.
Neşiriň awtorlary munuň «Samsung-yň» oktýabr aýynda yglan edilen «Huawei» kompaniýasynyň şuňa meňzeş enjamynyň işlenip düzülmegine beren jogabydygyny bellediler. Bellenilmegine görä, koreý korporasiýasy eplenýän smartfon bazaryndaky öňdebaryjylygyny tassyklamak üçin S görnüşli enjamyny ilkinji bolup tanyşdyrar.
«TechRadar» neşiriniň žurnalistleri «Samsung-yň» eplenýän gurluşlara bagyşlanan köp sanly taslamasynyň bardygyny ýatladylar. Şeýlelikde, «CES 2022» sergisinde kompaniýa S harpy görnüşinde eplenýän «Flex S» telefonynyň konseptini tanyşdyrdy. Şeýle enjamyň berkidiji şarnirlerinde ekranlardaky şekilleriň görkezilmegini sinhronlamaga mümkinçilik berýän datçikler bar.
