Milli futbol ligasy (NFL, amerikan futboly) dowamly çempionatynyň oýunlaryny ilkinji gezek 2025-nji ýylda Ispaniýadaky «Santýago Bernabeu» stadionynda geçirer. Bu barada «Real» futbol klubunyň saýtynda habar berilýär.
Bu karar barada Superbowldan iki gün öň, Las-Wegasda geçirilen dabarada yglan edildi.
«2025-nji ýylda oýunlaryň Madride geçirilmegi NFL-iň global täsiriniň barha artmagyny we oýnumyzy dünýäniň has köp janköýerine ýetirmegi maksat edinýändigini görkezýär. Dowamly çempionatyň gyzykly oýunlaryny Ispaniýadaky dünýä derejeli «Santýago Bernabeu» stadionynda geçirmek üçin dünýä derejeli brend bolan «Real», şeýle hem Madrid şäheri we şäheriň jemgyýetçiligi bilen hyzmatdaşlyk edýändigimize buýsanýarys» diýip, NFL-iň komissary Rojer Gudell belledi.
«Santýago Bernabeu» 1947-nji ýylda guruldy. Stadionda 1964-nji ýyldaky Ýewropa çempionatynyň we 1982-nji ýyldaky dünýä çempionatynyň finaly geçirildi. 2019-njy ýyldan bäri stadionda durkuny täzeleýiş işleri geçirilýär.
