Hytaýda Ýaşyl agaç aždarhasy ýyly başlandy. Bu ýylda ýurtda ruhubelentlige we innowasiýalara garaşylýar, şeýle hem bu ýylda mümkinçilikleriň hem-de kynçylyklaryň köp boljakdygy bellenilýär.
Gündogar senenamasyna görä, Ýaşyl agaç aždarhasy ýyly 2025-nji ýylyň 28-nji ýanwaryna çenli dowam eder.
Hytaý astrologiýasynda 12 sany zodiak haýwanlarynyň her biri bäş elementiň birine – agaja, suwa, oda, metala we topraga gabat gelýär. Şeýle hem bu elementleriň hersiniň belli bir reňki bar: agaç ýaşyl bolýar, şonuň üçin bu ýyl Ýaşyl agaç aždarhasy ýyly diýilýär. Her 12 ýyldan ol ýa-da beýleki zodiak haýwanynyň elementi üýtgeýär. Ýagny, 2012-nji ýyl Suw aždarhasy ýyly boldy, 2036-njy ýyl bolsa Ot aždarhasy ýyly bolar.
Agaç rowaçlygy we gülläp ösmegi, aždarha abraýy, güýji we akyly aňladýar. Astrologlaryň pikiriçe, bu utgaşma janlylyk, paýhas we innowasiýalar bilen doly ýyly getirýär.
