Ýaponiýanyň “Wissel Kobe” topary bilen amerikan “Inter Maýami” toparynyň arasyndaky ýoldaşlyk oýny esasy wagtda 0:0 hasaby bilen deňme-deň tamamlandy. Oýundan soňky penalti tapgyrynda “Wissel Kobe” 4:3 hasabynda ýeňiş gazandy. Oýun Ýaponiýanyň Tokio şäherindäki Olimpiýa stadionynda geçirildi.
“Inter Maýaminiň” hüjümçisi Luis Suares başlangyç düzümde meýdança çykdy we 75-nji minutda çalşyldy. Argentinaly hüjümçi Lionel Messi bolsa 60-njy minutda oýna goşuldy.
Ýatlap geçsek, 4-nji fewralda “Inter Maýami” Gonkong çempionatynyň ýyldyzlar topary bilen duşuşdy (4:1), Lionel Messi şikes zerarly bu oýna gatnaşyp bilmedi. Oýnuň soňky minutlarynda janköýerler oýunçynyň meýdança çykmaýandygyna nägilelik bildirip başladylar.
