Liwanly kazy Nawaf Salam BMG-niň Halkara Kazyýetiniň täze başlygy wezipesine üç ýyl möhlet bilen saýlandy. Bu barada kazyýetiň metbugat gullugy habar berýär. Ol bu wezipede amerikaly Joan Donohýuny çalyşdy. Halkara Kazyýetiniň wise-prezidenti wezipesine Ugandadan kazy Juliýa Sebutinde saýlandy.
Halkara Kazyýetinde işe başlamazdan öň jenap Salam 2007-nji ýylyň iýul aýyndan 2017-nji ýylyň dekabr aýyna çenli Liwanyň BMG-niň ýanyndaky hemişelik wekili boldy. 2012-nji ýyldan 2013-nji ýyl aralygynda BMG-niň Baş Assambleýasynyň başlygynyň orunbasary we 2013-nji ýylyň iýul aýynda Baş Assambleýanyň başlygynyň wezipe borçlaryny ýerine ýetiriji boldy.
Hanym Sebutinde 2012-nji ýyldan bäri Halkara Kazyýetinde işleýär. 2005-nji ýyldan 2011-nji ýyl aralygynda Sýerra-Leone boýunça Ýörite kazyýetde kazy boldy. Bu kazyýet edarasy Sýerra-Leoneniň hökümeti we BMG tarapyndan 1996-njy ýylyň raýat urşunyň harby jenaýatçylaryny jogapkärçilige çekmek üçin döredildi.
