Türkmenistanyň Adalatçysynyň edarasynyň strategik hereket meýilnamasy tassyklandy

  • 04.02.2024 23:40
  • 5.1k+

Türkmenistanyň Adalatçysy «Türkmenistanyň Adalatçysynyň edarasynyň 2024 – 2028-nji ýyllar üçin strategik meýilnamasyny» tassyklady. Resminama milli kanunçylyga, adam hukuklarynyň dürli ugurlary boýunça kabul edilip, üstünlikli amala aşyrylýan meýilnamalara, halkara bilermenleriň tekliplerine we Adalatçynyň edarasynyň toplan tejribesine esaslanýar.

Meýilnama bu edaranyň mümkinçiliklerini has-da berkitmek, welaýatlarda sebit bölümlerini döretmek we maksatnamalary hem çäreleri artdyrmak üçin zerur işgärleriň sanyny we býujet çeşmelerini köpeltmegi maksat edinýär. Şeýle hem bu iş milli hukuk goraýjy guramalaryň Bütindünýä Bileleşiginden hukuk almaga dalaş edýän bu edaranyň tehniki mümkinçiligini, täsirliligini we netijeliligini ýokarlandyrmaga gönükdirilen möhüm ädim bolar diýlip garaşylýar.
Täze resminama gorlaryň anyk bölünmegini we strategik netijelere ýetmek üçin durmuşa geçiriljek anyk işleri öz içine alýan ýyllyk çäreler arkaly amala aşyrylar. Onda, şeýle hem gözegçilik we baha beriş mehanizmi göz öňünde tutulypdyr. Mundan başga-da, meýilnamada görkezilen strategik taýdan ileri tutulýan ugurlara ýetmek üçin garaşylýan uzak möhletli netijelere getirmeli hereketler kesgitlenipdir.
Meýilnama dört sany ýokary derejeli ileri tutulýan ugry öz içine alýar. Olaryň üçüsi daşary işlere, biri bolsa Adalatçynyň edarasynyň içerki işine gönükdirilendir.
Strategik meýilnamanyň doly teksti Türkmenistanda adam hukuklary boýunça ygtyýarly wekiliň resmi saýtynda türkmen, iňlis we rus dillerinde elýeterlidir.


şu gün 00:36
499

Balkan welaýaty Gazagystanyň Mangistau welaýaty bilen strategik hyzmatdaşlygyň maksatnamasy ylalaşyldy

28-nji awgustda Türkmenistanyň Balkan welaýatynyň häkimi Hojamyrat Aşyrmyradowyň ýolbaşçylygyndaky wekiliýet iş sapary bilen Gazagystanyň Mangistau welaýatyna bardy diýip, Türkmenistanyň DIM-nde habar berdiler...

düýn 19:50
3.9k+

Serdar Berdimuhamedow dört günlük iş sapary bilen Hytaýa bardy

Şu gün, 31-nji awgustda Prezident Serdar Berdimuhamedow Şanhaý Hyzmatdaşlyk Guramasynyň sammitine we Ýeňşiň 80 ýyllygyna bagyşlanan dabaralara gatnaşmak üçin dört günlük iş sapary bilen Hytaý Halk Respublikasynyň Týanszin şäherine geldi...

30.08.2025 18:33
11k+

Uly we Kiçi Balkan daglary gorag astyna alnyp, goraghanalar dörediler

Türkmenistanda özeni Uly Balkan dagynda ýerleşdirilen täze goraghananyň, Kiçi Balkan dagynda we Günorta Ustýurtda bolsa ýörite goraghanalaryň döredilmegi meýilleşdirilýär. Şol bir wagtyň özünde, ýerli maldarlaryň işlerini dowam etdirmekleri üçin Balkan gerşiniň etekleri we töweregindäki öri meýdanlar olaryň ygtyýarynda galar...

30.08.2025 18:18
5.5k+

"Türkmenhimiýa" DK ýod we brom öndürýän zawody gurmak boýunça bäsleşik yglan etdi

Türkmenistanda “Balkanabat” ýod zawodynyň Nebitdag-Monjukly känindäki çig mal bazasynyň durkuny täzelemek bilen, ýod, brom, we brom önümlerini öndürýän zawodynyň gurulmagy meýilleşdirilýär. "Türkmenhimiýa” döwlet konserni kärhananyň taslamasyny düzmek we ony doly gurmak boýunça halkara bäsleşik yglan etdi...