Türkmenistanyň Bilim ministrliginiň Innowasiýa maglumat merkezinde pensiýa ýaşyndaky raaýtlarymyz üçin “Innowasion kompýuter tehnologiýalary” atly tölegsiz okuwlar gurnaldy. “Adaty” derejeli okuwlar 2023-nji ýylyň 6-njy dekabryndan 2024-nji ýylyň 17-nji ýanwary aralygynda geçirilip, jemi 54 sagatdan ybarat boldy. Bu barada Türkmenistanyň Bilim ministrliginiň Metbugat gullugy habar berýär.
Okuw kursuny üstünlikli tamamlan raýatlarymyza Döwlet derejesindäki şahadatnamalar gowşuryldy.
Bellenilişi ýaly, pensiýa ýaşyndaky raýatlarymyz Innowasiýa maglumat merkezinde gurnalýan bu okuw kurslarynyň alnyp barlyşy we mugallymlaryň bilim derejesi bilen örän hoşaldygyny aýtdylar.
Okuw sapagyň dowamlylygy iki akademiki sagat bolup, olaryň arasynda 10 minutlyk arakesme hem berildi. Merkez tarapyndan bu kursuň diňleýjileri üçin dynç alyş salkymynda çaý-kofe ýaly içgiler we süýjülik tagamlary hödürlenildi.
Innowasiýa maglumat merkeziň Okuw bölüminiň habar berşi boýunça pensiýa ýaşyndaky raýatlar üçin tölegsiz esasda gurnalýan bu okuw kursuň dowamlylygyny 2 aýa çenli artdyrylmagy diňleýjiler tarapyndan haýyş edildi. Şeýle-de okuw kursuny tamamlan raýatlar indiki açylýan okuw toparyna hem ýazylmaga howlugýarlar. Şeýle uly gyzyklanma bildirýän raýatlaryň sanynyň köplügi zerarly “Innowasion kompýuter tehnologiýalary” ugry boýunça okuw toparlarynyň sanyny köpeltmek zerurlygynyň ýüze çykýandygyny Okuw bölüminiň hünärmenleri habar berdiler.
