TikTok we ByteDance (kompaniýa - sosial ulgamyň eýesi) ABŞ-daky işgärlere sagadyna 29 dollardan başlap, ýylyna 455,6 müň dollara çenli esasy aýlyk hödürleýär. Bu barada köpçülikleýin maglumatlary seljeren Business Insider portaly habar berdi diýip, Inc. habar berýär.
Kompaniýa, onlaýn söwda we maglumatlary goramak bölümini güýçlendirmek ýaly ugurlary öňe sürmek bilen, ABŞ-nyň şäherlerinde iş gözleýänleri işjeň çekmegi dowam etdirýär. Çeşmäniň habaryna görä, TikTok häzirki wagtda ABŞ-da 2500-den gowrak wezipe üçin işgärleri hakyna tutýar, tehnologiýa ägirtleri Google we Meta bolsa çykdajylary azaltmak üçin işgärleri azaldýar.
Derňew işleri maglumatlary täzeden işlemek we seljermek boýunça hünärmeniň ýylda 120 000 - 320 000 dollar aralygynda girdeji gazanyp biljekdigini, TikTok-yň ABŞ-nyň maglumat howpsuzlygy bölümi analitiklere ýylda 145 000 dollar töweregi pul hödürleýändigini anyklady. Maglumatlar diňe esasy aýlygy öz içine alýar we aksiýa opsiýalary ýa-da pul baýraklary ýaly öwezini dolmagyň beýleki görnüşlerini göz öňünde tutmaýar.
Umuman aýdanyňda, TikTok we ByteDance käbir işgärlere 2020-nji ýylyň oktýabr aýyndan 2022-nji ýylyň sentýabr aýyna çenli dürli wezipeler üçin sagadyna 29 dollardan ýylyna 455,6 müň dollar aralygynda esasy aýlyk teklip etdi.
