Skydance amerikan mediakompaniýasy delisting maksady bilen uly bäsdeşi Paramount Global kompaniýasynyň ähli paýnamasyny satyn almak mümkinçiligini gözden geçirýär. Bu barada çeşmelere salgylanyp, CNBC habar berýär.
Çeşmeleriň maglumatlaryna görä, kompaniýalar deslapky maglumatlary alyşdylar, ýöne due diligence prosesi heniz başlamady.
Ýanwar aýynyň başynda WSJ neşiri Skydance-yň maliýe hyzmatdaşlary bilen bilelikde Paramount holding kompaniýasynyň, National Amusements-iň mažoritar paýnama bukjasyny satyn almagy meýilleşdirýändigini ýazdy. National Amusements Paramount-yň paýnamalarynyň 77%-ine eýeçilik edýär.
Şertnama Skydance bilen Paramount-yň birleşmegini maksat edinýän bolmaly, bu bolsa Paramount-yň ähli paýnamasyny satyn almagy talap edýär diýip, çeşme belleýär. Şertnamany amala aşyrmak üçin Skydance-a ep-esli maliýe serişdesi gerek bolar, sebäbi Paramount-yň kapitalizasiýasy 8,2 mlrd dollara barabar, kompaniýanyň bergisi bolsa 15 mlrd dollara ýetýär. Serişdeleriň bir bölegini Oracle-yň esaslandyryjysy we Skydance-yň ýolbaşçysy Dewid Ellisonyň kakasy milliarder Larri Ellison üpjün edip biler.
Öň, Paramount-y satyn almaga Warner Bros. Discovery-nyň hem dalaş edýändigi habar berlipdi.
Skydance Golliwudyň öňdebaryjy garaşsyz studiýalarynyň biridir. Ol “Missiýany ýerine ýetirmek mümkin däl” we “Transformerler” ýaly meşhur franşizalara eýeçilik edýär.
