“Akwamen we ýitirilen şalyk” 2018-nji ýyldan bäri DC kinoäleminiň iň köp girdeji gazanan filmi boldy. Bu barada daily.afisha.ru habar berýär. Filmiň dünýädäki girdeji ýygymy 396 mln dollardan geçdi.
2018-nji ýylda çykan asyl “Akwamen” 1 mlrd dollardan gowrak girdeji ýygnapdy, şondan bäri DC-niň hiç bir täze filmi şeýle mukdarda girdeji ýygnamandy. Häzirlikçe kinoäleminden iň gowy netijeleri “Gara Adam” (393 mln dollar) we ilkinji “Şazam!” (367 mln dollar) görkezdi.
“Akwamen-2” akym hyzmatlarynda 23-nji ýanwarda çykar.
Şol bir wagtyň özünde, DC kinoäleminden studiýanyň gatnaşmazlygynda döredilen beýleki filmler – baş keşpde Hoakin Feniks bilen “Joker” we Robert Pattinson bilen “Betmen”, degişlilikde 1 mlrd dollardan we 772 mln dollardan gowrak girdeji gazandy.
