Dünýäde kuzowy möý ýüpeginden bolan ilkinji superkar görkezildi

  • 23.01.2024 12:27
  • 7.6k+

Velozzi kompaniýasy möý ýüpeginden peýdalanmak bilen dünýädäki ilkinji superkary döretmegi meýilleşdirýändigini mälim etdi. Bu barada championat.com habar berýär. Taslama Velozzi Hypercar adyny aldy, awtorlaryň aýtmagyna görä, bu awtomobil “geljegi üýtgeder”.

Möý ýüpegi kuzowy we monokoky döretmekde uglerod süýümi bilen deň derejede ulanylar diýlip garaşylýar. Velozzi möý ýüpeginiň berkligi boýunça polatdan, uglerod süýüminden, titandan we kewlardan hem öňde durýandygyny belleýär. Bu işde Velozzi kompaniýasyna Spidey Tek kömek eder.

“Möý ýüpeginiň berkliginiň we çeýeliginiň utgaşmasy ony dürli pudaklarda ulanmaga mümkinçilik berýär. Mundan başga-da, biz onuň häsiýetini üýtgedip bilýäris, bu hem möý ýüpegini indiki nesliň materialyna öwürýär” – diýip, Velozzi-niň resmi saýty Spidey Tek kompaniýasynyň ylmy müdiri, doktor Rendi Lýuisiň sözlerini getirýär.

Velozzi Hypercar-yň V12 hereketlendirijisine we alty basgançakly transmissiýa eýe boljakdygy çaklanylýar. New Atlas-yň maglumatlaryna görä, awtomobil 2,7 sekuntda tizligini sagatda 100 km çenli artdyrar, onuň iň ýokary tizligi sagatda 370 km bolar. Velozzi şeýle awtomobilleriň 100 sanysyny döretmegi meýilleşdirýär.

düýn 01:56
6.7k+

Keyvany "Rolls-Royce Cullinan Series II" modelini täzeçe görnüşde çykardy

Germaniýanyň Keyvany awtobezeg ussahanasy täzelenen «Rolls-Royce Cullinan Series II Black Badge» modeli esasynda «Hayula II-niň» ekstremal wersiýasyny taýýarlady. Awtoulag agressiw aerodinamik obwes bilen enjamlaşdyryldy...

düýn 01:43
2.5k+

BYD-niň täze akkumulýatorlary tiz zarýad bermegi we 1000 km-den gowrak ýol ätiýaçlygyny üpjün edýär

BYD hytaý kompaniýasy 2027-nji ýylda aşa berk (solid-state) akkumulýatorly elektromobilleriň köpçülikleýin önümçiligine başlajakdygyny mälim etdi. Täze tehnologiýa bilen ulaglar 1000 km-den gowrak ýol aralygyny geçer hem-de 12 minutdan az wagtda doly zarýadlanar...

düýn 01:22
4.2k+

Euro NCAP 2025-nji ýylyň iň ygtybarly 10 awtoulagyny atlandyrdy. Reýtingde 6 sany hytaý modeli bar

Ýewropanyň Euro NCAP kraş-synag birleşigi 2025-nji ýylyň iň howpsuz awtoulaglarynyň sanawyny täzeledi. Ilkinji onlukdaky modelleriň ýarysyndan gowragy Hytaýyňkydyr. Şeýle hem, sanawda  Tesla, Audi we Polestar bar diýip, Finratings...

10.07.2025 23:56
3.8k+

Volkswagen ID. Buzz-yň dünýä boýunça syýahaty başlandy. Ol Ginnesiň rekordyny goýmaga dalaş edýär

Meşhur awto syýahatçy Raýner Sitlou Volkswagen ID. Buzz elektroweninde dünýä boýunça gezelenje çykdy. Ol syýahatynyň dowamynda 75 ýurda baryp, takmynan 80 müň kilometri geçmegi meýilleşdirýär. Eger syýahat şowly tamamlansa, bu bir ugruň çäginde elektrik ulagynda baryp görlen ýurtlaryň sany boýunça dünýä rekordy bolar...