Şeýh Hasina bäşinji gezek Bangladeşiň hökümetiniň baştutany boldy

  • 13.01.2024 07:34
  • 12k+

Bangladeşiň premýer-ministri, “Awami lig” (“Halk ligasy”) partiýasynyň lideri Şeýh Hasina 7-nji ýanwarda geçiriljek parlament saýlawlarynda öz tarapdarlarynyň ýeňiş gazanmagyndan soň bäşinji gezek ýurduň hökümetine baştutan boldy. TASS-nyň habaryna görä, premýer-ministriň kasam kabul ediş dabarasy Dakkadaky prezident rezidensiýasynda geçirildi.

Bellenen däp-dessurlara görä, Şeýh Hasina ýurduň prezidenti Şahabuddin Çuppunyň huzurynda kasam kabul etdi.
Parlament saýlawlarynyň netijesinde “Awami lig” partiýasy kanun çykaryjy edarada bar bolan 298 ornuň 222-sini aldy.
Şeýh Hasina 36 agzaly ministrler kabinetini teklip etdi. Geçen ýyllarda onda 45-den 62-ä çenli agza bardy. Premýer-ministriň yzyndan ministrler hem kasam kabul etdiler.
77 ýaşly Şeýh Hasina Bangladeşiň ilkinji prezidenti Mujibur Rahmanyň gyzy. Ol 1996-njy ýylda geçirilen saýlawlarda “Halk ligasy” ýeňenden soň ilkinji gezek hökümete ýolbaşçylyk etdi. 2007-nji ýylda ol parahorlukda we gorkuzyp almakda aýyplanyp, bir ýyl azatlykdan mahrum edildi, saglyk ýagdaýy sebäpli boşadyldy we bejergi almak üçin ABŞ-a gitdi.
Şondan soň, 2009-njy, 2014-nji, 2018-nji we 2024-nji ýyllarda geçirilen saýlawlarynyň jemi boýunça premýer-ministriň wezipesini eýeledi. Şeýlelik bilen, Şeýh Hasina Bangladeşiň taryhynda hökümete iň köp baştutanlyk eden ýolbaşçydyr.

şu gün 19:50
589

Serdar Berdimuhamedow dört günlük iş sapary bilen Hytaýa bardy

Şu gün, 31-nji awgustda Prezident Serdar Berdimuhamedow Şanhaý Hyzmatdaşlyk Guramasynyň sammitine we Ýeňşiň 80 ýyllygyna bagyşlanan dabaralara gatnaşmak üçin dört günlük iş sapary bilen Hytaý Halk Respublikasynyň Týanszin şäherine geldi...

düýn 18:33
10k+

Uly we Kiçi Balkan daglary gorag astyna alnyp, goraghanalar dörediler

Türkmenistanda özeni Uly Balkan dagynda ýerleşdirilen täze goraghananyň, Kiçi Balkan dagynda we Günorta Ustýurtda bolsa ýörite goraghanalaryň döredilmegi meýilleşdirilýär. Şol bir wagtyň özünde, ýerli maldarlaryň işlerini dowam etdirmekleri üçin Balkan gerşiniň etekleri we töweregindäki öri meýdanlar olaryň ygtyýarynda galar...

düýn 18:18
5.1k+

"Türkmenhimiýa" DK ýod we brom öndürýän zawody gurmak boýunça bäsleşik yglan etdi

Türkmenistanda “Balkanabat” ýod zawodynyň Nebitdag-Monjukly känindäki çig mal bazasynyň durkuny täzelemek bilen, ýod, brom, we brom önümlerini öndürýän zawodynyň gurulmagy meýilleşdirilýär. "Türkmenhimiýa” döwlet konserni kärhananyň taslamasyny düzmek we ony doly gurmak boýunça halkara bäsleşik yglan etdi...

düýn 13:26
5.2k+

Türkmenistan, Azerbaýjan we Özbegistan optiki-paýlaýyş merkezleriniň ulgamyny döretmegi maslahatlaşýar

Azerbaýjan, Özbegistan we Türkmenistan optiki-paýlaýyş merkezleriniň ulgamyny döretmegi hem-de durnukly söwda-logistika zynjyrlaryny ösdürmegi meýilleşdirýärler. ORIENT agentliginiň Report neşirine salgylanyp habar...