Saud Arabystanynyň çempionatynyň klublary gyşky transfer penjiresinde tomusdaky ýaly köp pul harçlap bilmezler. Bu barada As neşiri habar berýär.
Habar berlişi ýaly, dört sany öňdebaryjy kluby (“Al-Hilýal”, “Al-Nasr”, “Al-Ittihad” we “Al-Ahli”) maliýeleşdirýän Saud Arabystanynyň Garaşsyz gaznasy (PIF) transferlere çäk girizdi. PIF-iň goldawy bolmazdan toparlar gyşda oýunçy satyn almak üçin geçen tomusdaky ýaly uly mukdarda pul harç edip bilmezler. 2023-nji ýylyň tomsunda Saud Arabystanyndan toparlar täze oýunçylara 875,4 mln dollar sarp etdiler.
Transferi amala aşyrmak üçin klublar birnäçe şertleri berjaý etmeli bolarlar. Toparlar oýunçylary satyn almak üçin serişdeleri özbaşdak tapmaly bolarlar.
Häzirki möwsümde Saud Arabystanynda sanawda sekiz sany daşary ýurtly futbolçy çägi hereket edýär. Indiki möwsümden 10 legioneri ulanmak mümkin bolar.
Saud-Arabystanynyň çempionatynyň 19 oýnundan soň 53 utuk bilen “Al-Hilýal” öňde barýar. Ikinji “Al-Nasr” (Er-Riýad) gelýär, üçünji orny “Al-Ahli” (Jidda) jemleýär.
