2023-nji ýylyň iň gowy klub baş tälimçisi saýlandy

30.12.2023 16:55
6.1k+

Halkara futbol taryhy we statistika federasiýasy (IFFHS) 2023-nji ýylyň klublarda işleýän baş tälimçileriniň arasyndan iň gowusyny atlandyrdy. IFFHS-iň resmi saýtyna salgylanyp, Report agentliginiň habar bermegine görä, bu ada Angliýanyň “Mançester Siti” toparynyň başynda duran Hosep Gwardiola mynasyp boldy.

52 ýaşly hünärmen 281 utuk gazanyp, öz bäsdeşlerinden öňe geçdi. Ispaniýanyň “Real” klubundan Karlo Ançelotti (56) ikinji, Italiýanyň çempiony “Napoliniň” öňki baş tälimçisi Luçano Spalletti üçünji boldy.
Ýeri gelende bellesek, şu ýyl Hosep Gwardiola Angliýanyň Premýer-ligasynda, Angliýanyň Kubogynda, UEFA-nyň Çempionlar ligasynda, UEFA-nyň Super kubogynda we Klublaýyn dünýä çempionatynda ýeňiş gazandy.

Saud Arabystany Messiniň gysga wagtlyk transferini ret etdi

düýn 23:37

2.9k+

Saud Arabystany Messiniň gysga wagtlyk transferini ret etdi

Lionel Messi 2026-njy ýylyň dünýä çempionatyndan öň Saud Arabystanynda birnäçe aý bolup bilerdi, ýöne ýurduň häkimiýetleri şeýle teklipden ýüz öwürdi. AFP-niň habar bermegine görä, Mahd akademiýasynyň baş direktory Abdulla Hammad bu barada Thmanyah podkastyna beren interwýusynda aýtdy...

PSŽ geçen möwsümde rekord – 837 mln ýewro gazandy

düýn 19:44

1.9k+

PSŽ geçen möwsümde rekord – 837 mln ýewro gazandy

“Pari Sen-Žermen” futbol kluby geçen möwsüm boýunça 837 million ýewro girdeji gazandy. Bu maglumat klubuň çap eden maliýe hasabatynda görkezilýär. Bu görkeziji klub üçin rekord hasaplanýar. Gurama erkekler we aýallar futbol toparlaryny, şeýle-de gandbol, dzýudo we kibersport ugurlaryny öz içine alýar...

“Real” Superliganyň başa barmandygy üçin UEFA-dan öwez tölegini talap eder

01.11.2025 15:33

5.7k+

“Real” Superliganyň başa barmandygy üçin UEFA-dan öwez tölegini talap eder

Başa barmadyk futbol Superligasynyň taslamasyny esaslandyryjy klublaryň biri bolan Madridiň “Realy” Madridiň welaýat kazyýetiniň UEFA-nyň täze ýaryşy geçirmek bilen bagly şikaýat arzasyny ret edendigini habar berdi...

«Altyn Asyr» «Al-Şababdan» ýeňlip, AFK Çagyryş Ligasynda çykyşyny tamamlady

01.11.2025 09:19

5.2k+

«Altyn Asyr» «Al-Şababdan» ýeňlip, AFK Çagyryş Ligasynda çykyşyny tamamlady

Türkmenistanyň «Altyn Asyr» futbol kluby toparlaýyn tapgyryň üçünji duşuşygynda Omanyň «Al-Şabab» toparyndan 1:3 hasabynda ýeňlip, AFK Çagyryş Ligasynda çykyşyny tamamlady. Duşuşyk Butanda geçirildi. Türkmen toparynyň düzüminde ýeke-täk goly 29-njy minutda Zafar Babajanow kelle urgusy bilen geçirdi...