Konor Makgregor Irlandiýanyň prezidenti bolmak isleýär

  • 06.12.2023 17:21
  • 25k+

Absolýut söweş çempionatynyň (UFC) öňki çempiony Konor Makgregor Irlandiýanyň prezident saýlawlaryna gatnaşmak mümkinçiligine seredýändigini aýtdy. Bu barada ol X sosial ulgamynda ýazdy diýip, gazeta.ru habar berýär.

“Eger men dalaş etsem, bolup biljek bäsdeşlik şeýle: Jerri Adam – 78 ýaşly, Berti Ahern – 75 ýaşly, Enda Kenni – 74 ýaşly. Olaryň her biri öz partiýasynyň syýasaty bilen aýrylmaz baglanyşyklydyr. Bu partiýalar adamlary däl-de, özlerini dolandyrýarlar. Şeýle-de, men bar – 35 ýaşly, ýaş, işjeň, höwesjeň” – diýip, türgen ýazdy.

Irlandiýada indiki saýlawlar 2025-nji ýylda geçiriler, prezident ýedi ýyl möhlet bilen saýlanýar. Ýurduň häzirki prezidenti Maýkl Higginsdir.
35 ýaşly Makgregoryň soňky söweşi UFC 264-de amerikaly Dastin Porýe bilen boldy. Duşuşyk birinji raundda tamamlandy, onuň netijesinde irlandiýalynyň aýagy döwüldi.
2022-nji ýylyň oktýabr aýynyň ahyrynda Makgregoryň oktagona alty aýdan ir gaýdyp gelmejekdigi habar berildi. Türgen doping üçin alty aýlyk synagdan geçmeli, şeýle-de oňa çykyş etmäge rugsat berilmegi üçin iki otrisatel synag tabşyrmaly.


düýn 19:04
4.7k+

Wýetnamda ýurtda ilkinji erkin ykdysady zolak dörediler

Wýetnamda ýurduň ilkinji erkin söwda zolagy dörediler. Bu zolak ýurduň merkezi bölegindäki tehnologiýa we syýahatçylyk merkezi bolan Danang şäherinde ýerleşer diýip, Nikkei neşiri habar berýär.  Hökümet bu taslamanyň ýurduň ykdysady ösüşine itergi bermegine we 2045-nji ýyla çenli ýokary girdejili döwlet bolmak maksadyna ýetmäge kömek etjekdigine garaşýar...

düýn 18:32
2.4k+

ABŞ-nyň kazyýeti OpenAI-y hatda pozulan çatlary hem saklap galmaga borçlandyrdy. Bu ulanyjylarda howsala döredýär

Nýu-Ýorkyň Günorta okrugynyň Okrug kazyýeti OpenAI kompaniýasyny ChatGPT ulanyjylarynyň ähli gepleşiklerini, şol sanda öçürilen we anonim söhbetleri hem saklamaga borçlandyrdy. Bu karara garşy arz etmek synanyşyklary ret edildi diýip, Ars Technica neşiri habar berýär...

düýn 12:10
5.7k+

RF-niň daşary işler ministri Lawrow ýaş türkmen diplomatlarynyň öňünde çykyş etdi

25-nji iýunda Aşgabatda “Ýyldyz” myhmanhanasynda Russiýanyň daşary işler ministri S.W.Lawrow Türkmenistanyň Daşary işler ministrliginiň işgärleriniň, şeýle hem Türkmenistanyň DIM-iň Halkara gatnaşyklary institutynyň mugallymlarynyň we talyplarynyň öňünde çykyş etdi...

düýn 12:05
3.7k+

Türkmenistan Hazarýaka döwletleriniň ýolbaşçylarynyň ýörite sammitini geçirmegi teklip edýär

Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi...