Teýlor Swiftiň “Taylor Swift: The Eras Tour” konsert filmi 15 mln dollar býujet bilen dünýä prokatynda 250 mln dollar gazandy. Bu barada The Hollywood Reporter neşirine salgylanyp, gazeta.ru habar berýär.
Şeýlelikde, film 2023-nji ýylyň iň girdejili filmleriniň ilkinji ýigrimiligine girdi. Neşir onuň ähli döwürleriň iň üstünlikli konsert filmi bolup biljekdigini belleýär.
Film 13-nji oktýabrda çykdy we ilkinji uikend Martin Skorseziň “Killers of the Flower Moon” filminden öňe geçmegi başardy. Sentýabr aýynda hünärmenler “Taylor Swift: The Eras Tour” konsertiniň kinoteatr görnüşiniň Demirgazyk Amerikada 150 mln dollara ýetip biljekdigini we hatda bu mukdardan geçip biljekdigini çaklapdylar.
Şeýle-de bolsa, häzirlikçe dünýä rekordynyň eýesi “Maýkl Jekson: ine bar bolany” filmidir. Ol aýdymçynyň bolmadyk kambekiniň taýýarlygyna bagyşlanýar. 2009-njy ýylda kartina dünýä prokatynda 261,2 mln dollar gazandy. Şol bir wagtyň özünde, Swiftiň filmi çykmazdan ozal ABŞ-da iň üstünlikli konsert filmi “Jastin Biber: Hiç haçan hiç haçan diýme” hasaplanýardy. 2011-nji ýylda ol içerki prokatda 73 mln dollar, dünýä prokatynda 99 mln dollar gazandy.
The Hollywood Reporter “Taylor Swift: The Eras Tour” lentasynyň 30-njy noýabrda kinoteatrlara dolanjakdygyny belleýär. Onuň bilen ugurdaş Beýonseniň Renaissance syýahatyna bagyşlanan konsert filmi görkeziler.
