24-nji noýabrda Bakunyň Geýdar Aliýew merkezinde BMG-niň Merkezi Aziýa ýurtlarynyň ykdysadyýetleri üçin Ýörite maksatnamasyna – SPEKA gatnaşyjy ýurtlaryň döwlet we hökümet Baştutanlarynyň sammiti geçirildi diýip, Türkmenistanyň DIM-niň Metbugat gullugy habar berdi.
Bu çärä Azerbaýjanyň, Gazagystanyň, Gyrgyzystanyň, Özbegistanyň, Täjigistanyň prezidentleri, Türkmenistanyň Ministrler Kabinetiniň Başlygynyň orunbasary, Wengriýanyň premýer-ministri, Gruziýanyň premýer-ministri, Aýlagdaky arap döwletleriniň Hyzmatdaşlyk geňeşiniň baş sekretary, BMG-niň Aziýa we Ýuwaş umman üçin Ykdysady we sosial komissiýasynyň ýerine ýetiriji sekretary, BMG-niň Ýewropa ykdysady komissiýasynyň ýerine ýetiriji sekretary gatnaşdy.
Türkmen wekiliýetine wise-premýer Hojamyrat Geldimyradow ýolbaşçylyk etdi.
