Aýdymçy Teýlor Swift «Billboard Music Awards» baýragyna 20 ugurda hödürlenip, şolaryň 10-na mynasyp boldy. Ol «Ýylyň aýdymçysy», «Iň gowy zenan aýdymçy» we «Billboard 200-iň arasynda iň gowy aýdymçy» boldy. Indi onda jemi 39 heýkeljik bar. Ol bu görkezijide rekordyň eýesi bolan repçi Dreýk bilen deňleşdi.
«Bu ajaýyp, ynanyp bilemok... Muşdaklaryma ýüzlenýärin. Bularyň hiç biri sizsiz bolup bilmezdi... Men sizi diýseň gowy görýärin» diýip, Swift belledi.
Aýdymçy muşdaklaryna aýdymlaryny işjeň diňländikleri, film konsertine gyzyklanma bildirendikleri we sapar konsertinde goldandyklary üçin minnetdarlyk bildirdi.
Dabarada iň köp baýraga sazanda Morgan Wollen mynasyp boldy. Oňa 11 heýkeljik gowşuryldy.
Ýeňijileriň doly sanawy «Billboard-yň» web sahypasynda ýerleşdirildi.
