Jud Bellingem Golden Boy – 2023 baýragynyň eýesi boldy

  • 18.11.2023 22:12
  • 9.1k+

Madridiň “Realynyň” angliýaly ýarym goragçysy Jud Bellingem “Tuttosport” italýan neşiri tarapyndan möwsümiň jemi boýunça iň gowy ýaş futbolça berilýän “Golden Boy” baýragyna mynasyp boldy. Bu barada neşiriň resmi saýtyna salgylanyp, championat.com habar berýär.

“Altyn Jud. Golden Boy 2023 baýragynda iň gowy futbolçynyň Jud Bellingem bolandygy düşnüklidir. Haçan-da Ýewropanyň iň abraýly gazetlerinden 50 sany görnükli žurnalistden ybarat halkara emin agzalary 20 ýaşly futbolça mümkin bolan 500 baldan 485 bal berende, telpegiňi çykaraýmak galýar. Uly üstünlik. Dogry 97% ses. Mbappe hem Golden Boy 2017 baýragynyň ýeňijisi bolanda, şeýle göterim alypdy (300-den 291 ses, ýöne şol wagt emin agzalary 50 däl-de, 30 adamdan ybaratdy).

“Madridlileriň prezidenti Florentino Peresiň oýunçyny “Bernabeuwa” çagyrmak üçin tomusda 103 mln ýewro (bonus hökmünde ýene 35 mln ýewro) tölän nemes kluby Dortmundyň “Borussiýasynyň” öňki ýyldyzyny gutlaýarys” – diýlip, beýanda aýdylýar.


düýn 16:20
1.4k+

FIFA: Şu gyşda klublar transferler üçin 1,9 mlrd dollar sarp etdi

Halkara Futbol Federasiýasynyň (FIFA) habar bermegine görä, professional erkekler futbol klublary ýakynda tamamlanan ýanwar aýynyň transfer penjiresinde 1,9 mlrd dollardan gowrak sarp etdi. Ýanwar aýynda 5 900-den gowrak halkara transferi hasaba alyndy...

düýn 13:10
4.2k+

Ispaniýanyň Kubogynyň ýarym finalynda «Barselona» bilen «Atletiko», «Atletik» bilen «Real Sosýedad» duşuşar

Ispaniýada Patyşanyň Kubogynyň ýarym final duşuşyklarynyň bije çekilişik dabarasy geçirildi. Ýaryşyň bu tapgyrynda toparlar biri-birleri bilen iki oýun oýnar. Ýarym finalda «Barselona» Madridiň «Atletiko» topary bilen duşuşar...

06.02.2026 16:36
4.7k+

Canal+ XXI asyryň iň gowy derwezebanlarynyň adyny yglan etdi

Canal+ teleýaýlymynyň žurnalistleri XXI asyryň iň gowy derwezebanlarynyň reýtingini düzdüler. Birinji orny Mýunheniň «Bawariýasynda» oýnaýan nemes golkiperi Manuel Noýer eýeledi. Ikinji orunda Italiýanyň milli ýygyndysynyň we Turiniň «Ýuwentus» toparynyň öňki derwezebany Janluiji Buffon ýerleşdi...

06.02.2026 15:18
10k+

Mbappe ejesine ýylda 4,5 million ýewro iş hakyny töleýär

Fransiýanyň milli ýygyndysynyň we Madridiň «Realynyň» hüjümçisi Kilian Mbappe her ýyl ejesi Faýza Lamariýä 4,5 million ýewro möçberinde iş hakyny töleýär. Bu barada derbyderbyderby.it portaly habar berýär. Portalyň maglumatyna görä, bu mukdar futbolçynyň girdejisiniň takmynan 30%-ine barabar...