Keniýaly Edwin Kiptu 40-njy Afiny marafonynyň ýeňijisi boldy, 2 sagat 10 minut 34 sekuntda 42 kilometr 195 metr aralyga ylgady. Ylgawçy bu aralyk boüunça täze rekord goýdy; öňki rekord (2: 10,37) 2014-nji ýylda hasaba alnypdy. Bu barada Afiny Makedoniýa habarlar gullugy habar berdi.
Marafon şäherinden başlap, Afinydaky 1896-njy ýylda ilkinji häzirki zaman Olimpiýa oýunlarynyň geçirilen ýeri bolan “Panatinaikos” stadionynda tamamlanan marafona 21 müň ylgawçy gatnaşdy. Mundan başga-da, paýtagtda 10 km-lik we 5 km-lik aralyklara ylgaw ýaryşlary we çagalaryň 1,2 km-lik aralyga ylgaw ýaryşy geçirildi. Marafona we beýleki ýaryşlara jemi 72 müň ylgawçy, şol sanda daşary ýurtdan 18 müň adam gatnaşdy , olaryň ýarysy ylgaw ýaryşlaryna gatnaşmak üçin ilkinji gezek Gresiýa geldi. 10 km-a ylgamak ýaryşy şenbe güni, esasy marafon we 5 km-a ylgamak ýaryşy ýekşenbe güni geçirildi. 2019-njy ýyldan bäri ilkinji gezek daşary ýurtlardan, esasanam, Keniýadan saýlama türgenler Afiny marafonyna gaýdyp geldiler.
Afiny marafon ýoly dünýädäki iň kyn ýollaryň biri hasaplanýar, sebäbi onuň ep-esli bölegi daglyk ýerlerden geçýär, bu ýol diňe Gresiýanyň paýtagtynyň eteginde tekiz bölege düşýär.
