Braziliýaly Pereýra Prohazkany ýeňip, ýarym agyr agram derejede UFC-niň çempiony boldy

  • 13.11.2023 12:51
  • 11k+

Garyşyk söweş sungaty (MMA) boýunça braziliýaly türgen Aleks Pereýra Nýu-Ýorkda (ABŞ) geçirilen UFC 295 ýaryşynyň esasy söweşinde çehiýaly Irži Prohazkany ýeňdi.

UFC-niň ýarym agyr agram derejesiniň çempionlygy ugrundaky tutluşyk ikinji raundda tamamlandy. Pereýra ilki Prohazkany nokdauna iberdi, soň bolsa ýumruk we tirsek urgulary bilen ýeňlişe sezewar etdi. Şeýlelikde, braziliýaly söweşiji titulyň eýesi boldy.
Bu 36 ýaşly Pereýranyň MMA-da dokuzynjy ýeňşi boldy, şeýle hem onuň iki ýeňlişi bar. Ozal braziliýaly türgen Israel Adesanýany ýeňip, UFC-niň orta agram derejesiniň çempionlyk kemerine eýe bolupdy. Jogap duşuşygynda (rewanş) Adesanýa Pereýrany nokaut bilen ýeňdi we braziliýaly türgen ýarym agyr agram derejesine geçmek kararyna geldi.
Prohazka ozal UFC-niň ýarym agyr agram derejesiniň çempiony bolupdy. Pereýradan ýeňilmegi onuň karýerasyndaky dördünji ýeňliş boldy, şeýle hem 31 ýaşly türgeniň 29 ýeňşi we bir deňme-deň tamamlanan tutluşygy bar.


düýn 19:51
4.3k+

Resmi taýdan: Mahaçew bilen Maddalenanyň titul söweşi noýabrda UFC 322-de geçiriler

Ýarym orta agramda UFC-niň çempiony, awstraliýaly Jek Della Maddalena (18-2) bilen ýeňil agramda promouşeniň öňki çempiony, russiýaly Islam Mahaçewiň (27-1) arasyndaky titul söweşi UFC 322 ýaryşynyň esasy wakasy bolar...

21.08.2025 16:34
14k+

UFC-niň täze çempiony Hamzat Çimaýew dünýäniň iň gowy söweşijileriniň bäşligine girdi

Orta agramda UFC-niň çempiony Hamzat Çimaýew täzelenen Pound4Pound (P4P) reýtinginde dördünji orny eýeledi. BAE-den ýeňilmedik söweşiji UFC 319 ýaryşynda geçirilen titul söweşinde GAR-yň wekili Drikus dýu Plessiden üstün çykandan soň birbada 10 orun ýokary galdy...

17.08.2025 13:33
21k+

Täze çempion! Hamzat Çimaýew Dýu Plessiden üstün çykyp, orta agramda çempion guşagyny aldy

16-njy awgustdan 17-nji awgusta geçilen gije (Aşgabat wagty bilen irden) Çikagodaky United Center arenasynda UFC 319 ýaryşy geçirildi. Onuň esasy wakasy günorta afrikaly Drikus dýu Plessi bilen BAE-niň wekili Hamzat Çimaýewiň arasynda orta agramda titul söweşi boldy...

16.08.2025 16:21
15k+

“Men ony ýatyraryn”, “Oň bir güni galdy”: ertir Çimaýew – Dýu Plessi söweşi geçiriler

17-nji awgustda Çikagoda (Illinoýs ştaty, ABŞ) UFC 319 ýaryşy geçiriler. Orta agramda çempion guşagy üçin agşamyň esasy söweşinde Hamzat Çimaýew bilen Drikus dýu Plessi duşuşar. Çimaýew BAE-niň baýdagy bilen çykyş edýär...