Madridiň «Realynyň» braziliýaly oýunçysy Winisius Junior klub bilen şertnamasyny 2027-nji ýyla çenli uzaltdy.
Madridiň «Realynyň» X-däki (öňki Twitter) resmi akkauntynda: "Entek indi ýazylmaly taryh" diýilýär.
Ondan öň metbugatda Winisiusyň täze şertnamasynda onuň aýlyk hakynyň ýokarlanmagy göz öňünde tutulýar diýen maglumatlar peýda boldy.
Winisiusyň 2018-nji ýylda 35 million ýewro bilen “Flamengo”-dan Madridiň “Real”-yna göçendigini ýatladýarys. Oýunçynyň klub bilen öňki şertnamasy 2024-nji ýylyň iýun aýyna çenli güýjünde galýar. Transfermarkt internet portalynyň habaryna görä, oýunçynyň bazar bahasy 150 million ýewro. Üstümizdäki möwsümde braziliýaly winger ähli ýaryşlarda on oýunda oýnady we üç pökgi geçirdi hem-de üç gezek netijeli pas berdi.
