UFC 295 ýaryşynyň agyr agramda promouşeniň häzirki çempiony Jon Jons bilen Stipe Mioçiçiň arasyndaky esasy söweşi ýatyryldy. Bu barada UFC-niň başlygy Deýna Uaýt aýtdy diýip, vesti.ru belleýär.
Söweş 11-nji noýabra meýilleşdirilipdi. Uaýtyň aýtmagyna görä, Jons türgenleşik wagty kükrek myşsasyna zeper ýetirýär. Indi oňa operasiýa we dikelmek üçin azyndan ýarym ýyl gerek.
Ýatlap geçsek, Jons agram kategoriýasyna garamazdan UFC-niň reýtinginde birinji orunda durýar. Ol 2011-nji ýylda ýarym agyr agramda guramanyň çempion guşagyny eýeledi, şondan soň sekiz gezek ony gorady, soňra doping meselesi sebäpli guşagy ýitirdi.
