Absolýut söweş çempionaty (UFC) resmi saýtynda promouşeniň reýtinglerini täzeledi. Ýeňil agram kategoriýasynda promouşeniň çempiony Islam Mahaçew agram kategoriýasyna garamazdan UFC-niň reýtinginde ikinji orna galdy. Birinji orunda Jon Jons saklanýar. Bu barada gazeta.ru habar berýär.
21-nji oktýabrda UFC 294 ýaryşy geçirildi. Onuň esasy wakasynda Islam Mahaçew birinji raundda awstraliýaly Aleksandr Wolkanowskini nokaut arkaly ýeňdi we ikinji gezek titulyny gorady. Ol bu söweşi üçin 1,79 mln dollar, onuň garşydaşy bolsa 1,58 mln dollar gazandy.
Ikinji esasy söweşde Hamzat Çimaýew emin agzalarynyň karary bilen Kamaru Usmandan üstün çykdy. Şwesiýaly söweşiji ýeňşi üçin 865 müň dollar, onuň garşydaşy bolsa 1,02 mln dollar gazandy.
Ilkibaşda Abu-Dabide geçirilen bu ýaryşda Mahaçew Çarlz Oliweýra bilen duşuşmalydy, ýöne ol türgenleşikde şikes alandygy sebäpli çykyş edip bilmedi.
