Madridiň «Realynyň» baş tälimçisi wezipesine göz öňünde tutulýan hünärmenleriň hatarynda Rimiň «Roma» toparynyň baş tälimçisi Žoze Mourinýo hem bar.
Madridiň «Realynyň» ýolbaşçylary klubuň häzirki tälimçisi Karlo Ançelotti bilen şertnamanyň möhleti gutaranda, ýagny 2024-nji ýylyň tomsunda Mourinýony çagyrmagy meýilleşdirýärler.
Aprel aýynda Mourinýonyň Saud Arabystanyndan 120 million ýewrolyk iki teklip alandygy habar berildi.
Mourinýo «Portu» we «Inter» klublaryna ýolbaşçylyk edip, Çempionlar ligasynda iki gezek ýeňiji boldy. Şeýle hem tälimçi «Çelsi», «Mançester Ýunaýted» we «Tottenhem» klublarynda işledi.
Mourinýo 2010-njy ýyldan 2013-nji ýyla çenli «Real Madride» ýolbaşçylyk etdi. Klub bilen 2011/12 möwsümde Ispaniýanyň çempiony boldy.
