Madridiň “Realynyň” ýarym goragçysy Jud Bellingem, “Barselonanyň” goragçysy Alehandro Balde we Mýunheniň “Bawariýasynyň” ýarym goragçysy Jamal Musiala “Tuttosport” italýan neşirinden “Golden Boy” baýragyna 25 dalaşgärden ybarat jemleýji sanawa goşuldy. Bu baýrak Ýewropada ýylyň iň gowy oýunçysyna berilýär (21 ýaşdan uly bolmadyk oýunçylara).
25 dalaşgärden ybarat sanaw şeýle görnüşde: Jud Bellingem (“Real”), Jamal Musiala (“Bawariýa”), Hawi Simons (“Leýpsig”), Antoniu Silwa (“Benfika”), Alehandro Balde (“Barselona”), Florian Wirs (“Baýer”), Benýamin Şeşko (“Leýpsig”), Jorjo Skalwini “(Atalanta”), Rasmus Hoýlund (“Mançester Ýunaýted”), Lewi Kolwill (“Çelsi”), Ýohan Bakaýoko (“PSW”), Miloş Kerkez (“Bornmut”), Artur Wermeren (“Antwerpen”), Ewan Fergýuson (“Braýton”), Lukas Gurna-Duat (“Zalsburg”), Warren Zair-Emri (“PSŽ”), Usman Dýomande (“Sporting”), Arnau Martines (“Žirona”), Matis Tel (“Bawariýa”), Andi Diuf (“Lans”), Arda Gýuler (“Real”), Bilal El-Hannus (“Genk”), Martin Baturina (“Dinamo”, Zagreb), Žoau Neweş (“Benfika”) we Lamin Ýamal (“Barselona”).
Baýrak 2003-nji ýyldan bäri berilýär, Kilian Mbappe, Pol Pogba, Lionel Messi, Ueýn Runi we Erling Holand ýaly futbolçylar hem bu baýragyň eýeleri boldular. Geçen ýyl baýragyň eýesi “Barselonanyň” we Ispaniýanyň milli ýygyndysynyň ýarym goragçysy Gawi boldy.
