Absolýut söweş çempionaty (UFC) ABŞ-nyň Antidoping agentligi (USADA) bilen garyşyk başa-baş söweş sungatynyň (MMA) irlandiýaly söweşijisi Konor Makgregoryň guramanyň barlag sanawyna (TP) goşulan gününden başlap, alty aý möhleti tamamlanýança çykyşynyň gadagan edilmegi bilen baglylykda hyzmatdaşlygyny tamamlar. Bu barada USADA-nyň resmi saýtynda habar berilýär diýip, rsport.ria.ru belleýär.
Oktýabr aýynda Makgregor USADA-nyň barlag sanawyna goşulandygyny habar berdi. Öň, Makgregoryň dekabr aýynda amerikaly Maýkl Çendler bilen söweşip biljekdigi belli bolupdy. Ýöne USADA Makgregora sanawa goşulandan soň alty aý möhleti tamamlanmazdan çykyş etmegine rugsat bermedi.
“Biz UFC guramasyna Makgregor üçin heniz iki otrisatel barlag tabşyrmasa we sanawda azyndan alty aý bolmasa, hiç hili kadadan çykmanyň bolmaly däldigini açyk we berk aýtdyk. Düzgünler USADA sanawa goşulandygy baradaky beýanyna we barlag netijelerine esaslanyp, adamy ýaryşlar başlaýança ondan hem köp wagtlap sanawda saklamaga mümkinçilik berýär. Gynansak-da, häzirki wagtda biz UFC-niň alty aýlyk ýa-da ondan hem köp wagtlyk talabymyzy berjaý etjekdigini ýa-da ýokdugyny bilmeýäris, sebäbi 2024-nji ýylyň 1-nji ýanwaryndan USADA UFC-niň antidoping programmasyna gatnaşmaz. 2023-nji ýylyň maý aýynda şertnamany uzaltmak baradaky oňyn we netijeli duşuşyga garamazdan, UFC gaýra tesip, duşenbe güni başga ugurdan gitjekdigini USADA duýdurdy” – diýlip, guramanyň beýanynda aýdylýar.
