Pedagogika ylymlarynyň doktory, Linkoln uniwersitetiniň wise-prezidenti Maýk Guerra Halkara ynsanperwer ylymlary we ösüş uniwersitetiniň talyplary üçin leksiýa geçirdi. Amerikaly hünärmen talyplara “Linkoln uniwersitetinde iş dolandyryşy: bakalawriat we magistratura programmalary” temasy boýunça leksiýa berdi.
Maýk Guerrra öz çykyşynda Linkoln uniwersiteti, onuň esasy işleri barada doly maglumat berdi. Linkoln uniwersitetinde hödürlenýän akademiki ylymlar barada aýdyldy. Uniwersitetiň programmalary täze görnüşli ýolbaşçylary we menejerleri taýýarlaýar. Bu diňe bazar üýtgeşmelerine uýgunlaşman, eýsem edaralaryň ösüş strategiýasyny taýýarlamak üçin olary öňünden kesgitleýän hünärmenlerdir.
Programmanyň bakalawrlarynyň we magistrantlarynyň aljak bilimleri we başarnyklary ählumumydyr, olar biznes üçin adaty bolmadyk çözgütleri tapmagy we kompaniýanyň meselelerine hemmetaraplaýyn garamagy öwrenýärler. Leksiýanyň ahyrynda oňa gatnaşyjylar minnetdarlyk bildirdiler, sebäbi talyplaryň arasynda şeýle çäreleriň geçirilmegi olaryň bilim ýüküniň artmagyna ýardam edýär.
Belli bolşy ýaly, Linkoln uniwersiteti ABŞ-nyň Kaliforniýa ştatynyň Oklend şäherinde ýerleşýän hususy uniwersitetdir. Onda iş dolandyryşy ugrundan bakalawriat we magistratura programmalary boýunça, şeýle-de iňlis dilini öwrenmek, şahadatnama almak we bakalawriat programmalary boýunça 500-den gowrak talyp okaýar.
