10-njy oktýabrda Dubaý (BAE) şäherinde okuw türgenleşik ýygnanyşygynyň çäklerinde Türkmenistanyň futbol boýunça milli ýygyndysy ýerli «Dubai United» toparynyň garşysyna ýoldaşlyk duşuşygyny geçirdi. «Dubai Sport Siti» stadionynda geçirilen duşuşyk 3:1 hasabynda türkmen futbolçylarynyň peýdasyna tamamlandy.
Duşuşykda ýeňiş gollaryny Ruslan Mingazow, Myrat Annaýew hem-de Elman Tagaýew geçirdi.
Ýygyndy toparymyz ikinji ýoldaşlyk duşuşygyny 15-nji oktýabrda BAE-niň futbol çempionatynyň geçen ýylky çempiony FC “Şabab Al-Ahli” toparynyň garşysyna geçirer. Dubaý şäheriniň “Raşid stadium” stadionynda geçiriljek bu duşuşyk Aşgabat wagty bilen 18:05-de başlanar.
Belläp geçsek, Türkmenistanyň futbol boýunça milli ýygyndysy 2026-njy ýylda geçiriljek dünýä çempionatynyň saýlama tapgyrynyň öňüsyrasy BAE-niň Dubaý şäherinde halkara okuw-türgenleşik ýygnanyşygyny geçirýär. Okuw-türgenleşik ýygnanyşygy 18-nji oktýabra çenli dowam eder.
Türkmenistanyň milli ýygyndysynyň dünýä çempionatynyň saýlama tapgyryndaky ilkinji duşuşygyny 16-njy noýabrda Özbegistanyň milli ýygyndysynyň garşysyna geçirer.
