Polşa 2027-nji ýylda erkekleriň arasynda woleýbol boýunça dünýä çempionatyny kabul eder diýip, championat.com habar berýär.
Çeşmäniň maglumatlaryna görä, bu barada Zakopane şäherinde geçirilen Ýewropanyň ikinji sport we syýahatçylyk kongresinde belli boldy. Polşanyň premýer-ministri Mateuş Moraweskiý Sport we syýahatçylyk ministri Kamil Bortniçuk we Polşanyň woleýbol wekilleri bilen bilelikde dünýä çempionatynyň Polşada geçiriljekdigini mälim etdi.
Bu eýýäm Polşa tarapyndan gurnalýan woleýbol boýunça dördünji uly Halkara ýaryşydyr. Öň, ýurt 2014-nji we 2022-nji ýyllarda erkekleriň arasynda dünýä çempionatlaryny, şeýle-de 2022-nji ýylda Niderlandlar bilen bilelikde zenanlaryň arasynda dünýä çempionatyny kabul etdi.
Polşanyň milli erkekler ýygyndysy soňky on ýylda dört ýaryşda ýeňiji boldy: iki gezek dünýä çempionaty (2014 we 2018), bir gezekden Ýewropa çempionaty (2023) we Milletler ligasy (2023).
