UFC-niň prezidenti Deýna Uaýt “Twitter” sahypasynda 16-njy dekabrda geçiriljek UFC 296 ýaryşynda amerikaly Toni Fergýuson bilen britaniýaly Peddi Pimblettiň arasynda söweş boljakdygyny habar berdi. Bu barada championat.com belleýär.
Toni Fergýuson soňky söweşinde Bobbi Grinden demikdiriji usul bilen ýeňildi. Bu ýeňliş onuň üçin yzygider altynjy boldy. Professional garyşyk başa-baş söweşde Fergýusonyň hasabynda jemi 25 ýeňiş we dokuz ýeňliş bar.
Pimblett soňky söweşinde ABŞ-nyň wekili Jared Gordondan emin agzalarynyň biragyzdan karary bilen üstün çykdy. Garyşyk başa-baş söweşlerde Peddi 23 söweşe gatnaşyp, 20 ýeňiş gazandy (altysy – nokaut bilen) we üç ýeňlişe sezewar boldy.
Şeýle-de, Deýna Uaýt UFC 296-da Şawkat Rahmonow bilen Stiwen Tompsonyň arasynda-da söweş boljakdygyny belledi.
