Hançžou şäherinde Aziýa oýunlarynda Türkmenistanyň baýdagy göterildi

  • 24.09.2023 08:43
  • 13k+

ХIХ tomusky Aziýa oýunlarynyň paýtagtynda Türkmenistanyň sport wekiliýetini garşylamak we Türkmenistanyň Döwlet baýdagyny galdyrmak dabarasy boldy. Dabara «Aziýada obasynyň» halkara zolagynda ýerleşýän «Flag Plaza» seýilgähinde geçirildi. Bu barada Halkara habarlar merkezi habar berýär.

Şu ýylky esasy sport ýaryşlarynda ata Watanymyza wekilçilik etmek bagty paýyna düşen Türkmen döwletiniň wekilleri «Aziýada obasynyň» başlygy Lu Çunsýan tarapyndan garşylandy. Ol Türkmenistandan gelen türgenlere uly üstünlik arzuw etdi.
Hançžou şäherinde Aziýa oýunlary tamamlanýança Türkmenistanyň ýaşyl Tugy asmanda parlap durar. Baýdak galdyrmak dabarasyna türkmen türgenleri bilen bilelikde Makao, Malaýziýa, Saud Arabystany, Gündogar Timor we Wýetnam döwletleriniň wekiliýetleri hem gatnaşdy.
Aziýa oýunlarynyň guramaçylyk komitetiniň, Hytaýyň we dünýäniň beýleki ýurtlarynyň habar beriş serişdeleriniň wekilleri hem bu çärä gatnaşdylar.


10.07.2025 18:17
10k+

FIFA milli ýygyndylaryň reýtingini täzeledi: Türkmenistan iki orun ýokary galdy

Türkmenistanyň milli futbol ýygyndysy Halkara futbol federasiýasynyň (FIFA) täzelenen reýtinginde iki orun ýokary galdy. Indi topar 1092,4 bal (+16,27) bilen 140-njy orny eýeleýär. Türkmenistanyň milli ýygyndysyna sanawdaky ornuny ýokarlandyrmaga 2027-nji ýylda geçiriljek Aziýanyň kubogynyň saýlama ýaryşynyň oýnundaky ýeňiş kömek etdi: 10-njy iýunda topar Tailandyň milli ýygyndysyny 3:1 hasabynda utdy...

09.07.2025 20:06
5.9k+

Gonkongda Kriştianu Ronaldunyň wagtlaýyn muzeýi açyldy

Gonkongda saud “Al-Nasrynyň” we Portugaliýanyň milli ýygyndysynyň hüjümçisi Kriştianu Ronalduwa bagyşlanan wagtlaýyn muzeý açyldy. Bu barada Blooloop habar berýär. Muzeý K11 çeperçilik-medeni merkezinde ýerleşýär...

08.07.2025 17:49
14k+

Hytaýly türgen bir elde turnik çekmekde Ginnesiň rekordyny goýdy

Hytaýly türgen Li Szeçuan bir eli bilen minutda 35 gezek turnik çekip, Ginnesiň rekordyny goýdy. Mundan başga-da, ol şol bir wagtda 40 funt (18 kg-dan gowrak) agyrlyk bilen 44 gezek turnik çekip, ýene bir üstünlik gazandy...

07.07.2025 11:53
10k+

Zenanlaryň arasynda FIDE-niň Kubogynda Türkmenistandan ilkinji bolup Lala Şöhradowa ýaryşa başlady

Türkmenistandan zenan küştçüler ilkinji gezek zenanlaryň Küşt boýunça Dünýä Kubogyna gatnaşýar. Zenanlaryň arasynda FIDE-niň ussady 19 ýaşly Lala Şöhradowa 2025-nji ýylyň 5–29-njy iýuly aralygynda Batumide (Gruziýa) geçirilýän ýaryşa gatnaşýar...