ABŞ-da ýel bermegi talap etmeýän tekerler bilen enjamlaşdyrylan welosiped döredildi. Onuň tekerlerinde nikel-titan ergininden ýasalan pružinler ýerleşdirilen. Işläp düzüjiler şeýle welosipediň ömürlik boljakdygyny tassyklaýarlar.
Taslamanyň awtorlary titandan tekeriň 12 müň kilometr geçmäge ýeterlik boljakdygyny belleýärler. Tekeriň içine salnan pružin onuň şekilini saklaýar we zeper ýetmeleriň öňüni alýar. Daşarky päsgelçilik bilen çaknyşylanda, ol deformirlenip biler, ýöne ýene öňki ýagdaýyna gaýdyp geler.
Işläp düzüjileriň bellemeklerine görä, beýle teker hatda agyr heläkçilikde-de ýarylmaz we ony diňe rezini doly könelende abatlamak gerek bolar. Welosiped eýelerine indi tekerlere ýel bermek, basyşy barlamak ýa-da deşilen daşlyklary çalyşmak gerek bolmaz.
Bu tehnologiýa ilkinji gezek NASA tarapyndan marsohodlary döretmek üçin ulanyldy. Indi ol gündelik durmuşda hem ulanylyp bilner. Özboluşly tekerleri bolan welosipedleriň satuwy indiki ýyl başlanar. Olaryň bahasy 1300 dollara golaý bolar.
