Şu ýylyň jemi boýunça The Best Men’s Player baýragyna 12 dalaşgär belli boldy. Reýting FIFA-nyň metbugat gullugy tarapyndan neşir edildi diýip, rsport.ria.ru habar berýär.
Dalaşgärleriň doly sanawy şeýle görnüşde: Hulian Alwares (Argentina), Kewin de Brýoýne (Belgiýa), Rodri (Ispaniýa), Bernardu Silwa (Portugaliýa), Erling Holand (Norwegiýa, hemmesi – “Mançester Siti”), Ilkaý Gýundogan (Germaniýa, “Barselona”), Marselo Brozowiç (Horwatiýa, “Al-Nasr”), Hwiça Kwarasheliýa (Gruziýa), Wiktor Osimhen (Nigeriýa, ikisi-de – “Napoli”), Kilian Mbappe (Fransiýa, “Pari Sen-Žermen”), Deklan Raýs (Angliýa, “Arsenal”), Lionel Messi (Argentina, “Inter Maýami”).
Ýylyň iň gowy derwezebany üçin baýraga marokkoly Ýassin Bunu (“Al-Hilýal”), belgiýaly Tibo Kurtua (“Real Madrid”), braziliýaly Ederson (“Mançester Siti”), kamerunly Andre Onana (“Mançester Ýunaýted”) we germaniýaly Mark-Andre Ter Ştegen (“Barselona”) dalaş edýär.
Dalaşgärleriň sanawy oýunçylaryň 2022-nji ýylyň 19-njy dekabryndan 2023-nji ýylyň 20-nji awgusty aralygynda eden çykyşlarynyň esasynda düzüldi. Ses berişlik 6-njy oktýabra çenli dowam eder.
