Angliýanyň milli ýygyndysy ýoldaşlyk oýunda Şotlandiýanyň milli ýygyndysyndan üstün çykdy.
Duşuşyk 3:1 hasabynda tamamlandy. Iňlisleriň düzüminden «Mançester Siti» toparynyň goragçysy Kaýl Uolker, Madridiň «Realynyň» futbolçysy Jud Bellingem we Mýunheniň «Bawariýasyndan» Garri Keýn gol bilen tapawutlandylar. Angliýanyň milli ýygyndysynyň wekili «Mançester Ýunaýtediň» futbolçysy Garri Maguaýr topy öz derwezesine girizdi.
Angliýanyň milli ýygyndysy 600-nji ýeňşini gazanyp rekord goýdy. Bu Ýewropanyň milli ýygyndy toparlarynyň arasynda rekorddyr.
Angliýa Ýewro-2024 çempionatynyň saýlama tapgyryndaky indiki duşuşygyny 17-nji oktýabrda italýanlara garşy geçirer. Bu duşuşyk Ýewro-2020-niň finalynyň gaýtalanmasy bolar. Şol wagt oýnuň esasy wagty 1:1 hasabynda tamamlandy we 11 metrlik jerime urgulary tapgyrynda italýanlar has ýokary takyklyk görkezdiler.
