Marokkoda bolup geçen güýçli ýertitremäniň pidalarynyň sany 632-ä ýetdi, 329 adam ejir çekdi diýip, Hespress agentligi Marokkonyň Içeri işler ministrligine salgylanyp habar berýär.
Marokkonyň Milli geofizika institutynyň beýanatyna görä, 7 balla ýeten ýertitreme ýerli wagt bilen anna güni gije 23:11-de bolup geçdi (aşg. wagty bilen 03:11, şenbe).
Ministrligiň maglumatlaryna görä, 290 adam Al-Hauz welaýatynda (Marrakeşden günortada), 190 adam Tarudant, 89 adam Çiçaua, 30 adam Uarzazat we 13 adam Marrakeş sebitinde aradan çykdy. Ýurduň beýleki sebitlerinden hem birnäçe adamdan aradan çykdy.
Sky News Arabia neşiriniň habar bermegine görä, ýertitreme birnäçe minutlap dowam etdi. Al Jazeera-nyň bellemegine görä, ýertitreme netijesinde ýurduň ÝUNESKO-nyň mirasy diýlip yglan edilen taryhy bölegi ýumrulypdyr.
Soňky gezek şular ýaly güýçli ýertitreme Marokkoda 2004-nji ýylda bolup geçdi. 6,5 bally ýertitremede 600-den gowrak adam aradan çykdy.
