Dünýädäki ähli futbol klublary bir transfer penjiresinde täze oýunçylary satyn almak üçin çykdajylar boýunça täze rekord goýdular. Bu barada Transfermarkt internet portaly habar berýär diýip, championat.com belleýär.
Öň, rekord çykdajy 2019-njy ýylyň tomusky transfer penjiresinde bolupdy. Şonda dünýädäki ähli klublar täze oýunçylary satyn almak üçin 7,568 mlrd ýewro sarp etdiler. 2023-nji ýylyň tomsunda satyn alyşlar üçin 7,63 mlrd ýewro sarp edildi.
Bellenilişi ýaly, täze rekordyň goýulmagyna häzirki transfer penjiresinde eýýäm 846 mln ýewro sarp etmäge ýetişen Saud Arabystanynyň klublarynyň hem täsiri boldy. Şeýle-de, Angliýanyň Premýer-ligasynyň toparlary täze futbolçylary satyn almak üçin öz çykdajylaryny artdyryp, 2,43 mlrd ýewro sarp etdiler. Bu 2019-njy ýyla garanda tas 1 mlrd ýewro köpdür.
