Toyota Motor korporasiýasy 2023-nji ýylda 12 aýyň dowamynda ilkinji gezek 10 milliondan gowrak awtoulag öndürer. Bu barada Nikkei gazeti çeşmelere salgylanyp habar berdi.
Onuň maglumatlaryna görä, meýilnamada 10,2 million awtoulag diýlip kesgitlenildi. Olardan 3,4 million awtoulag Ýaponiýanyň özünde, ýene 6,8 million awtoulag daşary ýurt önümçilik ýerlerinde öndüriler. Şeýlelikde, bu görkezijiler, geçen ýyl bilen deňeşdirilende, degişlilikde 30% we 10% ýokarlanar.
Meýilnama üstünlikli ýerine ýetirilse, Toyota Motor-yň ýyllyk öndürýän awtoulag sany ilkinji gezek 10 milliondan geçip biler. Ýylda 9,05 million ulag öndürilip goýlan öňki rekord 2019-njy ýyla degişli. 2025-nji ýyla çenli Toyota Motor önümçiligi ýylda 11 million awtoulaga ýetirmegi meýilleşdirýär.
Toyota toparyna girýän kompaniýalar tarapyndan öndürilýän Daihatsu arzan markasy we Hino awtoulaglar hem-de awtobuslar brendi bilen birlikde ýylda 10 million awtoulag öndürmeli diýen sepgitden 2013-nji ýylda geçdi.
Kompaniýa pandemiýa döwründe pese gaçandan soň, häzirki wagtda göwrümini barha artdyrmak bilen. Şeýlelikde, 2020-nji ýylda bary-ýogy 7,9 million birlik, 2021-nji ýylda bolsa eýýäm 9,02 million öndürildi.
