Hindi kosmos gözleg guramasy (ISRO) ýurduň ilkinji Aditya L-1 (Aditya-L1) Gün gözleg stansiýasyny 2-nji sentýabrda uçurmagy meýilleşdirdi.
"Hindistanyň ilkinji Gün kosmos stansiýasy bolan Aditya L-1-iň uçurylyşy 2023-nji ýylyň 2-nji sentýabryna meýilleşdirilýär" – diýip, ISRO X (öňki Twitter) sosial ulgamynda habar berdi.
Uçuryş ýerli wagt bilen sagat 11:50-de (Moskwa wagty bilen 09:20) Satiş Dhawan kosmos merkezinden amala aşyrylar. Ol Bengal aýlagyndaky Şriharikota adasynda (Andhra Pradeş) ýerleşýär.
ISRO-nyň habaryna görä, "Aditya L-1" Ýerden takmynan 1,5 million km uzaklykdaky Gün-Ýer ulgamynyň Lagranža L1 nokady sebitindäki galo-orbita çykarylar. Bu pursatda awtomatiki stansiýa Ýere we Güne görä hereketsiz bolup biler, bu bolsa ýyldyzy päsgelçiliksiz synlamagy üpjün edýär. Birnäçe gezek yza süýşürilen “Aditya L-1” missiýasynyň esasy maksady Gün koronasyny, hromosferany we Gün şöhlelerini dürli spektrlerde öwrenmekdir.
