Android 14 hemra aragatnaşyk aýratynlygyna eýe bolup, Google Messages habarlaşma programmasy arkaly işlär. Bu barada SamMobile portaly dörediji Nil Rahmuniniň sözlerine salgylanyp habar berdi.
Höwesjeňleriň biri Android beta koduny öwrendi we täzelik ulanyjylara öýjükli gurşaw ýok halatynda Garmin hemra ulgamynyň üsti bilen tekst habarlaryny ibermäge mümkinçilik berjekdigini anyklady. Munuň üçin rus dilinde lokallaşdyrylan enjamlarda “Habarlar” diýlip atlandyrylýan Google Messages programmasy ulanylar.
Garmin kompaniýasy, öz gezeginde, Ýeriň pes orbitasynda hemra ulgamyny saklaýan Iridium bilen işleýär. Bu maglumat tassyk bolan ýagdaýynda, hemra aragatnaşygynyň funksiýasy, Android 14 resmi taýdan çykandan we bu täzeliklere laýyk gelýän enjamlar girizilenden soň, dünýäniň 150-den gowrak ýurdunda elýeterli bolar. Hyzmatyň bahasy entek aýan edilmedi.
Apple ozal öz smartfonlaryna şuňa meňzeş funksiýany girizipdi. Şeýle-de bolsa, iPhone 14 -däki “Gyssagly kömek jaňy - hemra arkaly SOS” dünýäniň diňe 14 ýurdunda işleýär.
