Hytaýyň BYD kompaniýasy Hytaýda iň iri elektrik ulaglaryny öndüriji, gibridleri we elektrik ulaglaryny öndürýän iň iri kompaniýadyr, ýöne ol adaty awtoulag öndürijileriniň fonunda şu wagta çenli beýlebir göze ilmedi, diňe geçen ýarymýylyň jemi boýunça dünýä liderleriniň sanawynda onunjy orny eýeledi. Hytaý awtoulag öndürijileriniň üstünligini indi diňe içerki bazar kesgitlänok, sebäbi soňky ýarym ýylda Hytaýdan awtoulag eksporty 76% ýokarlandy.
Nikkei Asia Review-yň bellemegine görä, Hytaýyň awtoulag öndürijileri şu ýylyň birinji ýarymynda ýurduň daşyna 2,14 million awtoulag iberdi, olardan 80 000-den gowrak gibrid we elektrik ulaglary eksport edildi.
MarkLines-iň berýän maglumatyna görä, üstümizdäki ýylyň ilkinji alty aýynda BYD ulaglarynyň dünýä bazaryna iberilmegi, geçen ýyl bilen deňeşdirilende, 96% artyp, 1,25 million birlige ýetdi we bu kompaniýanyň dünýä liderleriniň ilkinji onlugyna girmegine mümkinçilik berdi. 2022-nji ýylda BYD-niň bary-ýogy 16-njy orny eýeländigi, 2021-nji ýylda, hatda, ilkinji ýigrimilikde-de ýokdugy bellärliklidir. BYD gymmat we has arzan elektrik ulaglarynyň we zarýad berilýän gibridleriň satuwyny artdyrmak arkaly bazardaky ornuny berkitmegi başardy.
