Portugaliýaly futbolçy Kriştianu Ronaldunyň çykyş edýän «Al-Nasr» saud kluby Aziýanyň futbol konfederasiýasynyň Çempionlar ligasynyň toparlaýyn tapgyrynda Täjigistanyň «Istiklol», Eýranyň «Persepolis» we Kataryň «Al-Duhail» klublary bilen duşuşar. AFK-nyň Çempionlar ligasynyň bije çekişligi düýn, 24-nji awgustda Kuala-Lumpurda geçirildi.
Düzüminde Karim Benzema çykyş edýän Saud Arabystanynyň Premýer ligasynyň çempiony «Al-Ittihad» Özbegistanyň AGMK, Eýranyň «Sepahan» we Yragyň «Al-Kuwa» klublary bilen oýnar.
Düzüminde Neýmar çykyş edýän «Al-Hilal» Özbegistanyň «Nawbahor», Eýranyň «Nassanji Mazandaran» we Hindistanyň «Mumbai Siti» klublary bilen duşuşar.
Toparlaýyn tapgyryň duşuşyklary sentýabr-dekabr aýlarynda geçer, toparlar birek-birek bilen öz öýlerinde we myhmançylykda oýnarlar. Pleý-off tapgyryna 16 topar çykar — 10-sy toparlaryň ýeňijisi we «Gündogar» we «Günbatar» zolaklarda ikinji orny eýelän üç sany sany topar çykyş eder.
Final duşuşyklary 11-nji we 18-nji maýda geçiriler.
Belläp geçsek, bu ýaryşda Türkmenistanyň çempiony «Ahal» futbol kluby hem çykyş edýär.
