«Oppo» täze «Find N3 Flip» eplenýän smartfonyny we «Watch 4 Pro» akylly sagadyny tanyşdyrjak senesini yglan etdi. Bu barada habar kompaniýanyň Hytaýyň «Weibo» sosial ulgamyndaky sahypasynda peýda boldy.
«Oppo Find N3 Flip» eplenýän smartfony 6,8 dýuýmlyk eplenýän esasy ekran we 3,26 dýuýmlyk daşky ekran bilen üpjün ediler. Täze önümiň işjeňligine flagman çipleriň biri bolan «Snapdragon 8 Gen 2» ýa-da «MediaTek Dimensity 9200» jogap berer, ol 12-den 16 GB çenli göwrümli operatiw ýada eýe bolar. Smartfonyň 50, 8 we 32 megapiksel durulykda üç kamerasy bolar, şeýle hem 67 Wt kuwwaty bolan çalt zarýad beriji bilen üpjün ediler.
Şonuň bilen birlikde, «Snapdragon W5 Gen 1» çipinde işleýän we 2 GB operatiw ýady bolan «Oppo Watch 4 Pro» akylly sagadynyň tanyşdyryljakdygy tassyklandy. Enjam «LTPO AMOLED» displeýi we ýürek urşuny, temperaturany ölçemek we EKG geçirmek üçin dürli datçikler bilen üpjün ediler. «Watch 4 Pro-nyň» batareýasynyň sygymynyň 570 mAs boljakdygy aýdylýar.
«Oppo» täze önümleriniň tanyşdyrylyş dabarasy 29-njy awgustda Hytaýda bolar. Eplenýän telefonyň we täze sagatlaryň Hytaýyň daşynda satylyp-satylmajagy barada heniz habar berilmedi.
