2023-nji ýylyň ahyryna çenli «Ýandex Market-iň» hödürleýän hyzmatlarynyň gerimi kompaniýanyň özi tarapyndan taýýarlanan we öndürilen mebeller bilen giňeler. Bu barada «Kommersant» neşiri habar berýär.
IKEA-nyň Russiýadaky ofisiniň öňki işgärleri önüm öndürmek we «Yandex» mebel markasyny ösdürmek bilen meşgullanarlar. 2025-nji ýylyň ahyryna çenli hödürlenýän mebelleriň hatarynda, takmynan, 3 müň önüm bolar diýlip garaşylýar.
«Yandex Market-de» hususy markaly diwanlaryň we krowatlaryň eýýäm satuwa çykarylandygy habar berildi. Ýylyň ahyryna çenli katalogda myhman otaglary, aşhanalar we ýatylýan otaglar üçin beýleki mebel görnüşleri hem peýda bolar. Kompaniýa öz önümçiligine degişli mebelleriniň «Yandex Market-de» bölümiň umumy dolanyşygynyň 10 göterimini eýelär diýip umyt edýär.
Mebel önümçiligi esasan rus zawodlarynda amala aşyrylar. Şonuň bilen birlikde, kompaniýa Belarusdan we Hytaýdan öndürijiler bilen hyzmatdaşlyk edýär.
Hünärmenleriň pikiriçe, uly göwrümli mebel satmak üçin «Yandex Market» logistika kuwwatyny giňeltmeli hem-de gurnama hyzmatlaryny ýola goýmaly bolar.
