Moskwa şäher forumynyň çäginde geçirilýän «Stansiýa Manež» ulag sergisinde «Moskwiç 6» awtoulagy tanyşdyryldy. Bu barada gazeta.ru habar berýär.
Awtoulag germewiň aňyrsynda ýerleşdirilipdir, penjireleri içi görünmez ýaly reňklenipdir, serginiň işgärleri içini görmek haýyşyny kabul etmeýärler diýlip bellenilýär. Awtoulagyň resmi tanyşdyrylyşynyň haçan boljakdygy heniz mälim edilmedi.
Russiýanyň bazarynda «Moskwiç 6» kysymy üç görnüşde satylar. Başlangyç nusga 136 at güýji bolan hereketlendiriji bilen üpjün ediler, has gymmat nusgalaryndaky hereketlendirijiniň kuwwaty 174 at güýjüne deň bolar.
Ol Hytaýda öndürilýän «JAC A5 Plus» awtoulagynyň birmeňzeş nusgasydyr.
