«Samsung Display» kompaniýasy smartfonyň ähli panelini öz içine alýan «All Around Full Screen» atly tutuşlygyna çarçuwasyz ekran konseptini tanyşdyrdy. Surat Hytaýyň «Weibo» sosial ulgamynda ýerleşdirildi diýip, gazeta.ru habar berýär.
«Samsung» tanyşdyrylyş dabarasynda şeýle ekranly smartfon konseptini görkezdi. Suratda enjamyň mikrofon we dinamik üçin açyk ýerleriniň bardygy, ýöne zarýad beriş portunyň ýokdugy görünýär. Bu «Samsung-yň» geljekki smartfonlarynda simsiz zarýad berijini ýa-da energiýa bilen üpjün etmegiň başga alternatiw usullaryny ulanmagy meýilleşdirýändigini aňladyp biler.
Mundan başga-da, gyralara tarap egrelip gidýän ekran hiç hili çarçuwa ýa-da bölüm bolmazdan, smartfonyň öň tarapyny doly örtýär. Şeýle hem gapdal ýüzleriň işlejekdigi bellenilýär – fiziki düwmeleriň ýerine ses we ýagtylygy sazlamak üçin ekran ulanylar.
Şeýle smartfonyň haçan peýda boljakdygy habar berilmeýär.
