«Napoliniň» öňki baş tälimçisi Luçano Spalletti Italiýanyň milli ýygyndysynyň ýolbaşçylygyna bellenildi. Bu barada Italiýanyň Futbol federasiýasynyň resmi web sahypasynda habar berildi.
«Spallettini gutlaýarys. Milli ýygynda gowy tälimçi gerekdi we men onuň bu teklibi kabul edendigine örän begenýärin. Onuň höwesi we tejribesi ýakyn aýlarda Italiýa garaşýan kynçylyklary çözmekde aýgytly ähmiýete eýe bolar» diýip, Italiýanyň Futbol federasiýasynyň başlygy Gabriele Grawina belledi.
Ýatlatsak, Roberto Mançini Italiýanyň milli ýygyndysynyň baş tälimçisi wezipesinden aýryldy. 58 ýaşly tälimçi 2024-nji ýyla çenli niýetlenen şertnamany ýatyrdy. Onuň ýolbaşçylygynda Italiýanyň topary Ýewro-2020-de ýeňiji boldy we yzly-yzyna 37 oýunda ýeňilmän, dünýä rekordyny goýdy.
Spalletiniň soňky iş ýeri «Napolide» boldy. Tälimçi bilen toparyň prezidenti Aurelio De Laurentisiň arasyndaky gatnaşyk ýaramazlaşdy we ol Seria A-daky möwsüm tamamlanandan soňra topary terk etdi. Onda «Napoli» 33 ýyldan soň ilkinji gezek çempion bolupdy.
