Professional futbolçylaryň assosiasiýasy (PFA) Angliýanyň Premýer-ligasynyň 2022/2023-möwsüminiň iň gowy oýunçysy üçin abraýly baýraga alty dalaşgäriň adyny yglan etdi. Bu barada championat.com habar berýär.
Angliýanyň Professional futbolçylaryň assosiasiýasyndan baýraga Kewin de Brýoýne, Erling Holand, Jon Stounz (hemmesi – “Mançester Siti”), Garri Keýn (“Tottenhem”/”Bawariýa”), Martin Edegor we Bukaýo Saka (ikisi-de – “Arsenal”) dalaş edýär.
2021/2022-möwsüminiň jemi boýunça Professional futbolçylaryň assosiasiýasy iň gowy oýunçy hökmünde “Liwerpulyň” hüjümçisi Mohamed Salahy saýlady. Belläp geçsek, şu ýyl möwsümiň oýunçysyna baýrak 50-nji gezek gowşurylar.
2022/2023-möwsüminde Angliýanyň çempiony 89 utuk gazanan “Mançester Siti” boldy. Ikinji orny “Arsenal”, üçünji orny “Mançester Ýunaýted” eýeledi. Dörtlügi 71 utuk bilen “Nýukasl” jemledi.
